Stichting Casa Cuna Progreso (SCCP) ta buscando lidernan Pedagogico (Full time & Part Time)

SCCP ta un institucion cu ta ofrece cuido 24 ora y tratamento di dia na muchanan di 0 pa 6 (8) aña cu no por biba na cas pa motibo di un situacion di famia cu un of mas reto. E fundacion ta enfoca ariba duna cuido psicologico, fysico, social y emocional na e muchanan aki y ta sostene nan mayornan/famia. Banda di esaki e fundacion ta ofrece cuido y sosten na mamanan hoben di 13 pa 23 aña na cas di mama hoben (Tienermoeder Huis - Cas DIET Booi).

Como Lider Pedagogico bo lo por bay traha den un di nos casnan di mucha of den Tienermoeder Huis.

Den tur dos setting, bo ta responsabel pa un structura di dia den grupo:

• bo ta guia e residentenan den cas,
• bo ta percura pa siguridad y structura,
• y bo ta percura pa crea un ambiente caluroso, respetuoso y stabil pa mucha y mamanan hoben den TMH.

Den bo carta di aplicacion bo por indica si bo preferencia ta pa cas di mucha, TMH, of si bo ta habri pa trabou den tur dos setting.

RESPONSABILIDADNAN PRINCIPAL

• Ta duna guia y cuido pedagogico di dia na muchanan den cas (0–8 aña) y na mamanan hoben den Tienermoeder Huis cu nan yiu.
• Ta ehecuta y sigui plan di guia y tratamiento di cada mucha of mama hoben, den colaboracion cu coördinador pedagogico y team di maneho (MT).
• Ta observa desaroyo di muchanan, ta señala problemanan di siguridad, bienestar of desaroyo y ta tuma accion hunto cu partnernan interno y externo.
• Ta cöordina rutina di dia den cas: ora di come, scol, drumi, actividadnan despues di scol, recreacion y momentonan di guia individual.
• Ta guia, coach y sostene e team pedagogico den cas; ta dividi tarea, duna feedback y traha riba un bon ambiente di trabou.
• Ta mantene contacto structura cu mayornan/cuidadornan, scol, instancia di colocacion y otro organisacionnan involvi den bida di e mucha.
• Ta percura pa documentacion cla y actual: observacionnan, rapportnan, incidentenan y combercionnan cu mayornan/muchanan den dossier di e mucha.
• Ta tuma parti activo den reunionnan di organisacion, ‘intervisie’ y formacion; ta bin cu idea pa sigui mehora calidad di cuido y guia.

CUALIFICACION & COMPETENCIANAN:

• Bo tin un gran amor pa traha cu muchanan y nan mayornan/cuidadornan y/of mamanan hoben, y bo ta kere den e mision y vision di Stichting Casa Cuna Progreso.
• Formacion MBO+(SPW/WW ), HBO den pedagogia(SPH/TP of un otro formacion comparabel).
• Cu experiencia relevante (y/of experiencia limita/stage) den trabou cu muchanan, hoben y/of famianan den situacion fragil. Experiencia den cuido residencial y/of cu mama hoben ta ideal.
• Rijbewijs B & D, ta dispuesto pa haya rijbewijs D a corto plazo.
• Bo tin afinidad pa traha cu mamanan hoben: bo por ta empatico, pero tambe ta capaz pa pone limite cla y coach nan pa bira independiente.
• Habilidad social y comunicativo fuerte; bo por guia, motiva y limita tanto muchanan como mayornan y coleganan, y bo por duna y ricibi feedback.
• Bo por maneha stress y situacionnan druk y/of tension halto bon, bo ta traha cu un structura, ta pro-activo y orienta riba resultado y seguridad di mucha of mama hoben.
• Bo ta domina Papiamento den palabra y escrito; conocemento di hulandes ingles y/of spaño ta un plus.
• Bo ta dispuesto pa traha segun rooster den tur turno (dia, anochi y weekend).

Aplica prome cu 21/02/2026 y forma parti di nos team.

Manda bo CV y Carta di Aplicacion na: directie@casacuna.aw

Cu topico: Nomber di Posicion y Bo nomber completo.